Results

انا ولا هم ولا انتو
مادري من الغلطان انا ولا هم ولا انتو الغلطانين ، هل انا غلطان باني صاحب مبدا وابغى امشي عليه وادافع عنو ، ولا هما غلطانين وماعندهم مبدا ، يقولو نحن عرب ، وانا اقول  انتو جرب ، يقولو لازم نحترم ، وانا اقول …

.
مادري من الي عقلو صغير وتلاقي جسمو زي الفيل ، صحيح انا متين لكن ابدا عقلي مو صغير ، ولا عشان مبداى وانا مصر عليه وابغا امشي عليه وما احيد عنو ، سار عقلي صغير ، ياجماعة الخير مايسير كدى مايسير ، شوفو نفسكم سرتو من غير مبداء تمشو عليه ، سرتو رعية من غير راعي ، سرتوا همج ، سرتوا كلام فاضي ، سرتو زي ماحبيي وحبيبكم قال(حتى لو دخلو جحر ضب لدخلتوه) .

مادري مين الي حق كلام ، انا لما انسى اسوي حاجة ولا هم لما ينكرو ويقولوا هذا حرام ، ويبكوا وتنزل الدمعة زي الانهار ، ويهيجوا ويقولوا حرام حرام ليش كدى ، ليش كدى خسر … ، وانا اقول ياهو انتو ماتشوفوا ، ماعندكم عقل ، خلاص ولا داك الزمان ، زمان الكبار ، هادا شمال الي في يوم تسير خضار جنات وانهار ، فيها طماع بيها يبغاها لنفسو ، وفي الشمال اليمين بالاصح طماع بالخير ويبغا لنفسوا وشايف نفسوا كبير الكون ، وانا اقلو خاف ربك من خلقك ومصيرك يوم ، ولما نجي نروح في اليسار ، نلاقي مجرم سفاح حط يدو وماشالها من زمان ، لين ماخلاص سار الموضوع عادي خلاص ، واتعودنا زي مااتعودت … وسارت وسرنا من غير احساس ، وطمع الطماع وشاف نفسو ، وحصل عالم تبكي على الكورة وماهمها حياة انسان ، قال يلا يبغالي اشوف نفسي واشوف مصلحتي واوسع نفسي وانفذ الي جاء من عندنا من زمان ، واكيد يوم ولا يومين وحيتكرر ماكان، بس انا اقلو ياظالم ليك يوم زي مافي السنة انقال ، جيك اليوم هذا قريب

وراح تستخبى فيه ، وانت اصلا في الاستخفاء فنان.

مادري اش اسوي ، انا غلطان ولاهم ، لما اتكلم واقول ، ومايتفهم الكلام ، يمكن انا في اللغة حمار ، ويمكن انا ماجيد اصول الكلام ، بس مو ممكن انهم هم الحمير وهمو الي مايعرفو يفهمو الكلام ، مو ممكن انهم هما الي بيفسرو على كيفهم الكلام ، ياناس ياهو قوليلي اش اسوى قوليلي من الغلطان.

مادري من الغلطان انا لما اكون حريص وما ارضى اتصاحب وادي سري لفلان وعلان ، ولاهم لمايقولو يا واد عيب عليك كدى انت مالك صاحب ولا تدي الاحد الامان ، ارد عليهم واقول ، ماهو شوفو اش سار ، حسبتو صاحبي حسبتو امين ، وقبل ماياخد كل حاجة طعني ولا طعني من ورى وكمان قدام

.

انا خلاص طفشت من … طفشت منها خلاص وقالها صاحب الرسالة ، تراها ملعونة …. ، طفشت اساعد الناس ومالقي شكر ولا احسان ، بالعكس الاقي سب وشتام وينقال عني اني حمار ، وتاني يوم لمايبغو حاجة تعال يا… انت حبيبنا وصاحبنا في حاجة مناعارفينها ، وانا زي الاهبل اروح كانو مافي شي سار

.
كلو منك انت ياضعيفة ، ماخليتي لنفسك شخصية في زمن الغلينان ، خليهم ياكلوكي ويمرمشوكي ومنك يرحوني ، داك اليوم ماسمعتي كلام لما قلتلك الانسان نكار وماسمعتي كلامي لما قلتلك خليكي في حجرتك واحبسي نفسك ولاتجيبي لنفسك الكلام لا بالطيب ولا بالبطال، لكن حبيبتي وما اقدر ازعل منك يانفسي ، انتي معايا من زمان ، في الحلوة والمرة كنتي خير الاعوان ،تعالي انا وانت نختلي شويا بعيد عن الناس ، والقيل والقال ، وانا اقلك مافي احد يفتقدنا في زمن الغيلان

.
اعذروني في بساطة الكلام وبساطة اللغة وركاكتها ، وكما انوه ان الموضوع لايقصد احد بعينه وهو مجرد كلام.